Товч тайлбар

Италийн алдарт кино зохиолч Lina Wertmüller-н зохиолоос сэдэвлэн бүтээв. Группийн өв залгамжлагч, ерөнхийлөгч бүсгүйн адармаатай амьдрал нь түүнийг хөтлөн энгийн нэгэн аж ахуйч, цахилгаанчин залуутай учирч байгаагаар энэхүү кино эхэлнэ. Гэнэтийн явдлаас болж ухаан санаагаа алдсан бүсгүй гурван хүүхдийн ээж болж гэр хорооллын амьдралын бүхий л нугачааг туулж өнгөрүүлдэг. Түүний анхны нөхөр болох тус группийн Дэд ерөнхийлөгч болон түүний төрсөн ах хуульч хоёр үгсэн хувилдаж бүсгүйн хөрөнгийг өөрсдийн болгох гэсэн далд санааг өвөрлөж байгаа нь киноны үндсэн гол зөрчил юм. Гурван хүүхдийн аав болох аж ахуйч залуу өөрийн мэдэлгүй зөв сэтгэлээр бүсгүйд тусалж, улмаар хэзээ ч мэдэрч байгаагүй аз жаргалыг түүнд өгдөг. Шинэхэн хэр нь санаандгүй бүрэлдсэн гэр бүлийн хооронд хөгжилтэй, будлиантай, алдаатай, оноотой өдрүүд дурсамж болон өнгөрнө. Удалгүй бүсгүйн ухаан санаа сэргэж хуучин амьдралаа эргэн санах боловч сайн мөрдөгчдийн ачаар нөхөр болон түүний ахын башир залийг мэдэж шүүхэд өгдөг. Ингэснээр бүсгүй гурван хүүхэдтэй цахилгаанчин залуутай амьдралаа дахин эхэлснээр энэхүү кино төгсдөг.

Найруулагч

Батболдын Барслхагва  

Зохиолч

Батболдын Барслхагва, Энхбаярын Алдар, Бат-Өлзийн Тамир

Гол дүрүүдэд

Жаргалсайханы Алтаншагай, Батцэнгэлийн Одончимэг

Бусад дүрүүдэд

Баатарын Отгонбат, Бат-Өлзийн Тамир, Өлзийтогоогийн Мөнх-Эрдэнэ, Цэрэнбалжирын Ганбаяр, Энхтайваны Батхүү, Энхбатын Ууганбаяр, Батжаргалын Батсайхан, Баатарын Ганчулуун, Дамбасүрэнгийн Энхбаяр, Амарын Туяа, Мишигдоржийн Баярбат